Der Portier
Der Portier- geschrieben von Frieda Kleinlercher Lienz
Hinta oana offenen Glaswand do sitzt da Portier,
viele Leit kemmen mit olle möglichen Sachn zu Dir.
Dabei soll er no sei Orbet machn
i sog’s enk Leitlen, des isch nit zu lachn.
Da oane frag warum sei Uhr nimma geht,
de oane sog: „Schalt den Rosenkranz ein, oba bittschian glei!“
Man hat mit uns oltn Leitlen monchmol a Gfrett
oba de Portiere sein trotzdem olba gonz nett.
Wenns Handy nit geht do geh i zum Portier,
i woaß no in da Orbetszeit richtet er’s mir.
Dabei tuet er sei Orbet a no ordentlich machn,
i frog mi oft: Wie konn er des schaffn?
Des muß amol gsog wean und dass es olle mal lesn,
mit die Portiere sama olle bis heint no zufrieden gewesn!
6 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.