Mundartpoesie
Mundartgedicht aus der Region: Die Kellergasse in Randegg
Gedichte von unserem Mundartpoeten Gottfried Preuler aus Randegg
Die Kellergasse in Randegg
Eini, aun da Schliefaustrossn
do gibt's a kloane Köllagossn,
eng zaumbaut und a zuwidrängt,
wird durt oft a Wein ausgschenkt.
Des Platzal is jo guad zum Sitzn,
vor ollem bei da Summahitzn,
is schottig do und guad geschützt,
leida wird's zu wenig gnützt.
Erbaut san's seinazeit jo woarn
ois Eiskölla vor vüllen Joahrn,
do is nu koa Kühschraunk grennt
und a in Strom hot ma net kennt.
Wäu ma hoid scho domois woit,
dass des Bier sche küh bleim soit,
hot ma hoit zu diesem Zweck
die Köllan baut do in Raundegg.
Im Kölla drinn do is jo koid,
drum haums a oft im Winta hoid
Natureis ins Gewölbe brocht
und sich damit an Vorrat gmocht.
Mundartgedicht aus der Region
von Gottfried Preuler
Weitere Mundartgedichte gibt's in unserem Online-Channel.
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.